Jól og Áramót 2018 -2019   

 

Kæru þjónustunotendur og samstarfsfélagar

 

Hjá Endurhæfingu – þekkingarsetri verður lokað sem hér segir yfir jól og áramót

· 22.desember  - 1. Janúar - LOKAÐ

Opnum svo aftur miðvikudaginn 2. janúar 2019 og hefjum þá venjubundna starfsemi.

 

Kærar jólakveðjur

Starfsfólk Endurhæfingar-þekkingarseturs

 

 

Sjúkraþjálfari

 

 

Vegna fádæma frjósemi meðal sjúkraþjálfara hjá Endurhæfingu – þekkingarsetri leitum eftir sjúkraþjálfara  í 80 –100 % starf frá 1. mars eða eftir samkomulagi.  

Hjá Endurhæfingu – þekkingarsetri starfar þéttur hópur frábærra fagmanna sem  veitir sérfræðiþjónustu á sviði endurhæfingar og velferðartækni fyrir einstaklinga með fjölþættar skerðingar. Unnið er samkvæmt skilgreiningum og hugmyndafræði um stöðustjórnun (e.posture management).

 

Upplýsingar gefur Guðný Jónsdóttir framkvæmdastjóri í símum 414 4500 og 696 7600 og netfang: Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. .

 

 

Sérhæfður aðstoðarmaður sjúkraþjálfara

 

Við hjá Endurhæfingu – þekkingarsetri óskum eftir að ráða sérhæfðan aðstoðarmann, gjarnan konu vegna eðlis starfseminnar. Vinnutími er frá 8:00 til 16:00 eða eftir samkomulagi. Starfið felst í aðstoð við þjálfun einstaklinga með fjölþættar skerðingar, ásamt öðrum daglegum störfum. Starfið er laust frá 15. janúar 2019 eða eftir samkomulagi. Við leitum eftir starfsmanni sem er sjálfstæður, jákvæður og með góða samskiptahæfileika til að taka þátt í skemmtilegri vinnu og til að gera góðan stað enn betri. Reynsla af starfi með fötluðu fólki er æskileg en ekki skilyrði.

Ársskýrsla CPEF á Íslandi

Ársskýrsla CPEF á Íslandi fyrir árið 2017 er komin út, hér er hægt að sjá ársskýrsluna eða til vinsti hér á síðunni undir fræðastarf, greinar.

Nordic Seating Symposium 2018

Nordic Seating  Symposium var haldið í sjöunda sinn dagana 4.-6. september sl. í Kaupmannahöfn. Íslendingar fjölmenntu á þingið sem var mjög vel sótt,  tæplega  450 manns, og var dagskráin  bæði fjölbreytt og áhugaverð og snerti fjölmörg svið sem snúa að hjólastólanotkun og setstöðum. Ísland verður gestgjafi þingsins árið 2021.

Atli Ágústsson og Guðný Jónsdóttir frá Endurhæfingu-þekkingarsetri voru með fyrirlestra á þinginu.

Hér eru Guðný og Atli ásamt Ginny Paleg frá Bandaríkjunum, Elisabet Rodby-Bousquet frá Svíðþjóð og Debbie Field og Roslyn  Livingstone frá Canada en samstarf er milli þessarra aðila í tengslum við rannsóknir  og önnur fræðistörf.

Nokkrir ráðstefnugestir í yndislegu veðri í Kaupmannahöfn.

Fyrirlestur Atla fjallaði um áhrif ósamhverfrar mjaðmastöðu á setstöðu.

Fyrirlestur Guðnýjar fjallaði um notkun Posture and Postural Ability Scale (PPAS) í klínískri vinnu.

Nokkrar myndir frá velheppnaðri Evrópuráðstefnu um setstöður sem haldið var í Dublin um miðjan júní

Glaðbeittir fulltrúar Íslands á ráðstefnunni

Atli, Guðný og Erika Cloodt sjúkraþjálfari í Svíþjóð, sem eins og Atli, hefur Elisabetu Rodby-Bousquet sem leiðbeinanda í sínu doktorsverkefni

Workshop um notkun Posture and Postural ability Scale (PPAS)  í klínískri vinnu

Atli í essinu sínu í fyrirlestri  um : „Asymmetrical limited hip flexion. It´s effect on sitting

posture and the deformities of the body“

Með „gömlum“ kennara og vini, Dave Long, sem sér um Posture  Mangement kúrsinn við Oxford Brookes University  í  Oxford

Setið fyrir svörum

Það gafst líka tími til samveru og að hitta erlenda collega

Mark Schmeler  skipuleggjandi  ISS í Pittsburgh, Ginny, Atli og Erika

Á lóð Trinity College þar sem ráðstefnan var haldin, Erika , Elisabet og Guðný

Sundlaugarpartý starfsmanna Endurhæfingar - þekkingarseturs, júní 2018

CPEF dagurinn 2018, var haldinn hjá Endurhæfingu-þekkingarsetri þ. 11.apríl.

Var dagurinn vel sóttur og góðar umræður sköpuðust í kjölfar áhugaverðra erinda . CPEF (CP Eftirfylgni) er kerfisbundin skoðun og eftirfylgni með fólki með Cerebral Palsy (CP) og er tilgangurinn að auka þekkingu á CP, bæta meðferð og aðra íhlutun og auka samvinnu fagstétta. CPEF hefur verið tekin upp sem gæðagagnagrunnur í Svíþjóð,  Noregi, Danmörku, í nokkrum ríkjum Ástralíu og nú síðast í Skotlandi (www.cpup.se;  Alriksson-Schmidt, Arner, Westbom, o.fl., 2017).

Með CPEF skoðun getur fagfólk fylgst með þróun einkenna hjá hverjum einstaklingi og komið auga á varúðarmerki. Þetta er undirstaða þess að hægt sé að veita viðeigandi meðferð hverju sinni ásamt því að auka þekkingu á CP og þeim fylgiskerðingum sem geta skapast vegna óviðeigandi eða ónógrar meðferðar. Ennfremur er markmiðið að bæta samskipti og samvinnu milli ólíkra fagstétta sem koma að þjónustu við fólk með CP.

Tvær stofnanir á Íslandi bjóða upp á CPEF eftirfylgni, Endurhæfing-þekkingarsetur og Æfingastöðin. Samvinna hefur skapast á milli stofnananna tveggja um verkefnið þar sem Æfingastöðin sinnir fyrst og fremst börnum  og unglingum og Endurhæfing-þekkingarsetur ungmennum og fullorðnu fólki.  Gefin er út sameiginleg ársskýrsla og á árum 2018 -2022 munu stofnanirnar taka þátt í umfangsmikilli samnorrænni rannsókn:  CP í norðri, Hvernig farnast einstaklingum með Cerebral Palsy á Norðurlöndunum?

Ný bók um setstöður og hjólastóla - Seating and Wheeled Mobility

Meðal höfunda eru Guðný Jónsdóttir og Atli Ágústsson, sjúkraþjálfarar hjá Endurhæfingu – þekkingarsetri

Gefin hefur verið út ný bók um setstöður og hjólastóla „Seating and Wheeled Mobility: A Clinical Resource Guide“. Í bókinn er lögð áhersla á ýmsa þætti sem taka þarf tillit við mat á setstöðu og viðeigandi aðlögun og stuðningi . Einnig er rætt um forvarnir gegn þrýstingssárum og þætti sem styrkja sjálfstæði og möguleika til þátttöku þeirra sem nota  hjólastóla. Leitað var til helstu sérfræðinga á hverju sviði.

Ritstjórar bókarinnar eru Michelle L Lange, OTR/L ABDA ATP/SMS  og Jean L Minkel, PT ATP en meðal höfunda eru Guðný Jónsdóttir,MSc, PGCcA og Atli Ágústsson, MSc. Bioeng., sjúkraþjálfarar hjá Endurhæfingu – þekkingarsetri en þau skrifa kafla um „Stöðustjórnun 24/7“ (Posture Management 24/7). Í bókarkafla Guðnýjar og Atla, er meðal annars, fjallað um hugmyndafræði stöðustjórnunar, lífaflfræði liggjandi líkamstöðu og afleiðingar  vanastöðu eða óstuddrar stöðu á stoðkerfi líkamans og afleiddar skerðingar. Þá er farið í gegnum það hvernig setja skuli upp áætlun um stöðustjórnun og hvernig hægt er á einfaldan og ódýran hátt að búa til öflugan legustuðning sem veldur ekki auknu álagi á aðstoðarfólk þeirra einstaklinga, sem þurfa stuðning í liggjandi stöðu.

Hér eru tenglar, þar sem hægt er að kaupa bókina

Hjá Helio: Seating and Wheeled Mobility: A Clinical Resource Guide

Hjá Amazone: Seating and Wheeled Mobility: A Clinical Resource Guide

CP-North:  Hvernig farnast einstaklingum með CP á Norðurlöndunum?

Rannsóknarteymi CPNorth. Á myndinni má sjá íslensku þátttakendurna:  Guðný Jónsdóttir, frá Endurhæfingu-þekkingarsetri, Þórhildur Ólafsdóttir PhD í heilsuhagfræði og sjúkraþjálfari hjá HÍ og Guðbjörg Eggertsdóttir sjúkraþjálfari hjá ÆSLF

Sjúkraþjálfarar frá Endurhæfingu-þekkingarsetri, ásamt samstarfsaðilum á Æfingastöð SLF og  Háskóla Íslands,  taka  þátt í umfangsmikilli, samnorrænni rannsókn,  á högum einstaklinga með CP og fjölskyldna þeirra.  Heiti rannsóknarinnar er “ CP-NORTH: Living Life with Cerebral Palsy in the Nordic Countries?” og hefur verkefnið hlotið svokallaðan NordForsk styrk til fjögurra ára. Aðilar að þessu stóra verkefni verða Svíþjóð, Noregur, Danmörk, Ísland og Finnland. Rannsóknin verður  byggð á  samnorrænum,  þverfaglegum  gögnum og  mun  veita ómetanlegar upplýsingar um hver staðan er á Íslandi, bæði innan lands og  í samanburði við hin Norðurlöndin.
Markmiðið rannsóknarinnar er að kanna hvernig það að vera með CP hefur áhrif á heilsu, lífsgæði,  notkun heilbrigðisþjónustu, menntun, þátttöku á vinnumarkaði, efnahags- og félagslega stöðu yfir æviskeið meðal  barna, foreldra þeirra og fullorðinna. Kannað verður hvort  birtingarmynd þessarra þátta er mismunandi  milli kynja, bæði  innan og milli Norðurlandanna.  Sérstakur rýnihópur sem samanstendur af notendum og öðrum hagsmunaaðilum mun verða kallaður til samstarfs.  Munu niðurstöðurnar m.a. verðar nýttar til að leiðbeina um meðferð, íhlutun og stefnur í þjónustu innan hvers lands.

Nánar má lesa um verkefnið hér.

 

 

Jólasveinninn mætti í æfingar í Endurhæfingu - þekkingarsetri.

13.11.2017

Gjöf frá Sunnusjóði

Endurhæfingu-þekkingarsetri barst höfðingleg gjöf á dögunum þegar Arndís Vilhjálmsdóttir, fulltrúi Sunnusjóðs, kom færandi hendi með EyeMobile augnmús  frá Tobii, Microsoft Surface spjaldtölvu ásamt gólfstandi frá Rehadapt. Það er Öryggismiðstöðin sem er innflutningsaðili tækjanna.

Fyrir þann sem hefur skerta færni til samskipta og tjáningar getur það skipt höfuðmáli fyrir þroska einstaklingsins, færni hans og sjálfstæði að hafa möguleika á að tjá sig, til náms og þjálfunar og að eiga samskipti við  fólk í nærumhverfi og í samfélaginu. Tölvutæknin er sífellt að opna nýja möguleika til samskipta, fyrir einstaklinga með skerta færni til slíks.

Endurhæfing - Þekkingarsetur framkvæmir mat á getu einstaklinga til að nýta sér flóknar tæknilegar lausnir eins og t.d. augnmús til að stýra tölvum, sækir um viðeigandi lausnir og veitir stuðning í nærumhverfi til einstaklings, aðstandenda og aðstoðarfólks.

Við erum bæði glöð og þakklát með þessa mikilvægu og góðu gjöf.

Guðný Jónsdóttir, framkvæmdastjóri Endurhæfingar-þekkingarseturs, Arndís Vilhjálmsdóttir frá Sunnusjóði, Atli Ágústsson sjúkraþjálfari og heilbrigðisverkfræðingur og Margrét Jónsdóttir sjúkraþjálfari.

CPUP dagar í Gautaborg 2017

Sjúkraþjálfarar frá Endurhæfingu-þekkingarsetri tóku þátt í ársþingi um CP eftirfylgni -CPUP dögum -  í Gautaborg dagana 9. -11. október sl. Á þinginu hélt Birkir M. Kristinsson fyrirlestur um notkun MiniBesTest í mati á fallhættu fyrir einstaklinga með CP og Guðný Jónsdóttir hélt fyrirlestur um Posture and Postural Ability Scale –PPAS- sem hluta af eftirfylgni með CP og notkun PPAS í klíniskri vinnu.  Þá var kynnt ný rannsókn eftir Atla Ágústsson : „The effect of asymmetrical limited hip flexion on seating posture, scoliosis and windswept hip distortion“ en við vinnslu þeirrar rannsóknar voru notuð gögn úr CPUP gagnagrunninum.

Tenglar á greinar:

http://www.sciencedirect.com/science/article/pii/S0891422217302421

http://journals.sagepub.com/doi/full/10.1177/0269215512465423?legid=spcre%3B0269215512465423v3&cited-by=yes

http://www.bestest.us/files/7413/6380/7277/MiniBEST_revised_final_3_8_13.pdf

Birkir og Guðný

Atli og Birkir

Íslenski hópurinn á góðri stundu. Með þeim er Elisabet Rodby-Bousquet sem vinnur mikið með Íslendingum í CP eftirfylgni

Iðju- og sjúkraþjálfarar frá Æfingastöðinni og Endurhæfingu-þekkingarsetri fylgjast spenntir með þegar „strákarnir okkar“ léku frábæran leik við Kósóvó.

Endurhæfing-þekkingarsetur er einkarekið fyrirtæki í heilbrigðisþjónustu, sem sérhæfir sig í endurhæfingu fyrir einstaklinga með fjölþættar skerðingar.

Vorið 2004 tók Endurhæfing að sér þjónustu við skjólstæðinga endurhæfingardeildar Landspítalans í Kópavogi. Um var að ræða fjölfatlaða einstaklinga, sem bjuggu annars vegar á Landspítala í Kópavogi og hinsvegar á sambýlum á höfuðborgarsvæðinu.

Samningar um þjónustu og rekstur voru undirritaðir við Heilbrigðisráðuneyti og Landspítala í maí 2004. Samningar voru síðan endurnýjaðir árið 2009. Hjá fyrirtækinu starfa sjúkraþjálfarar, þroskaþjálfi, íþróttafræðingur og sérhæft aðstoðarfólk, auk þess sem annað fagfólk er kallað til eftir þörfum.

Framkvæmdarstjóri og yfirsjúkraþjálfari er Guðný Jónsdóttir og er Atli Ágústsson sjúkraþjálfari og heilbrigðisverkfræðingur faglegur staðgengill hennar.

Sumargrill 9. júní 2017

Starfsfólk Endurhæfingar - Þekkingarseturs gerði sér glaðan dag í góða veðrinu og grillaði hádegismat í sólinni og Berglind bauð upp á afmælistertu í eftirrétt.

Fræðslu- og vinnudagur um CP eftirfylgni                                                         

Þann 12. maí héldu Endurhæfing-þekkingarsetur og Æfingastöðin sameiginlegan vinnudag um CPEF eða CP eftirfylgni (www.cpup.se) og er það í annað sinn sem slíkur dagur er haldinn hér á landi. Að þessu sinni hafði Æfingastöðin veg og vanda af framkvæmd dagsins.  Aðalfyrirlesari dagsins var Elisabet Rodby-Bousquet sjúkraþjálfari  PhD, frá CPUP í Svíþjóð.

Með CPEF skoðun getur fagfólk fylgst með þróun einkenna hjá hverjum einstaklingi og komið auga á varúðarmerki. Þetta er undirstaða þess að hægt sé að veita viðeigandi meðferð hverju sinni. Kerfisbundin skoðun og eftirfylgni með einstaklingum með CP fer fram  í Svíþjóð, Noregi, Danmörku, Skotlandi og í tilteknum landshlutum Íslands og  Ástralíu.  Áhugasamir um CP eftirfylgni geta snúið sér til Endurhæfingar-þekkingarseturs eða til Æfingastöðvarinnar um frekari upplýsingar.

Á meðfylgjandi myndum sést Elisabet Rodby-Bouquet sýna skoðun á ungri stúlku með CP og einnig sjást Guðný Jónsdóttir og Birkir M. Kristinsson sjúkraþjálfarar hjá Endurhæfingu-þekkingarsetri . Guðný flutti fyrirlestur um mat á gæðum líkamsstöðu (quality of posture) og notkun Posture and Postural Ability Scale við slíkt mat og ennfremur við val og mat á gæðum íhlutunar í sitjandi, liggjandi og standandi stöðu. Birkir kynnti sérstakt matstæki um fallhættu „ MiniBESTest“ sem var tekið upp í CP eftirfylgni um síðustu áramót og metur fallhættu hjá fólki með CP en föll og beinbrot og /eða aðrir áverkar í kjölfarið er algengir meðal fólks með CP og áhættuþáttur í heilsu þeirra og lífsgæðum.

Starfsdagur

Velheppnaður starfsdagur var haldinn hjá Endurhæfingu –þekkingarsetri þ. 8. Apríl sl. Við hófum daginn með morgunverðarfundi hjá Stoð þar sem við fengum fræðandi og skemmtilega kynningu á helstu nýjungum  sem Stoð er með í samningi við Sjúkratryggingar Íslands um hjólastóla og gönguhjálpartæki.

Deginum var síðan varið í að fara yfir faglegar áherslur, verkferla í daglegu starfi og hugmyndafræði að baki Endurhæfingu- þekkingarsetri. Um kvöldið fórum við síðan og nutum matar og drykkjar á frábærum veitingastað - Essensia. Sannarlega skemmtilegur dagur J.

Þeir eru sannarlega margir snillingarnir sem koma í sjúkraþjálfun til okkar hérna hjá Endurhæfingu -þekkingarsetri. Hérna sjáum við einn þeirra hann Sigurjón –Sigga – taka á því í sundlauginni.

Vísindaferð FS 3. nóvember 2016

Vísindaferð FS haustið 2016 var haldin í Endurhæfingu-Þekkingarsetri fimmtudaginn 3. nóvember síðastliðinn.
Sjúkraþjálfarar í Endurhæfingu – Þekkingarsetri sögðu frá sögu staðarins ásamt því merkilega starfi sem þar fer fram með mikið fötluðum einstaklingum.

Sjá: https://www.facebook.com/events/138414133293780/

Óvissuferð Endurhæfingar-Þekkingarseturs

Starfsfólk Endurhæfingar –þekkingarseturs, gerði sér glaðan dag ásamt mökum og fór í óvissuferð þ. 12. nóv. sl. Meðal annars var farið í Reykjavík Escape þar sem búið var að semja um það við húsráðendur að læsa starfsfólk  inni og láta það leysa þraut til að komast út aftur.

Það er skemmst frá því að segja að starfsmenn Endurhæfingar-þekkingarseturs sönnuðu enn á ný hvers þeir eru megnugir og allir  hóparnir þrír leystu verkefnið og komust út á tilskildum tíma, þó 3ja sekúndna ágreiningur hafi orðið milli síðasta hópsins og stjórnenda leiksins. 

Allt um það þá voru allir komnir út þegar átti að fara að leysa liðið úr haldi. 

Í liðinu sem varð í fysta sæti voru  Magga, Knútur, Una, Edda og Birkir

Í öðru sæti urðu Krissi, Bjössi, Ísleifur, Berglind, Viktor og Erla

Í frábæru liði sem lenti í þriðja sæti voru Atli, Siggi, Guðný, Svenni og Kristrún

Vísindaferð FS

Vísindaferð FS haustið 2016 verður haldin í Endurhæfingu-Þekkingarsetri fimmtudaginn 3. nóv kl 17 – 19.
Sjúkraþjálfarar í Endurhæfingu – Þekkingarsetri segja frá sögu staðarins ásamt því merkilega starfi sem þar fer fram með mikið fötluðum einstaklingum.

Dagskrá:
Guðný Jónsdóttir sjúkraþjálfari tekur á móti gestum og segir frá starfi staðarins
Skoðunarferð um svæðið
Veitinga notið
Mynduð ný kynni og gömul endurnýjuð...

Sjá: https://www.facebook.com/events/138414133293780/


Notið tækifærið til að kynna ykkur staðinn og njótum samverunnar með kollegum.

Tilkynnið mætingu á viðburðinn á facebook síðu FS eða skráið ykkur á physio@physio.is

Íslenski hópurinn á CPUP ráðstefnu í Malmö í október 2016

Á myndinni eru, talið frá vinstri: Valrós Sigurbjörnsdóttir iðjuþjálfi, Þorbjörg Guðlaugsdóttir sjúkraþjálfari,  Ásta Halldórsdóttir stoðtækjafræðingur, Sveinn Finnbogason stoðtækjafræðingur, Guðný Jónsdóttir sjúkraþjálfari, Guðbjörg Eggertsdóttir sjúkraþjálfari,  Atli Ágústsson sjúkraþjálfari, Gerður Gústavsdóttir iðjuþjálfi og Sigurður Már Hlíðdal sjúkraþjálfari í Lundi en Sigurður er einmitt fyrrverandi starfsmaður hjá Endurhæfingu-þekkingarsetri.

CPUP dagar í MALMÖ 2016

Tveir sjúkraþjálfarar frá Endurhæfingu –þekkingarsetri, Guðný og Atli, voru meðal þátttakenda á hinum árlegu CPUP dögum sem haldnir voru í Malmö dagana 24. og 25. október 2016. CPUP, eða CPEF eins og það heitir á íslensku, er eftirfylgni með einstaklingum, börnum og fullorðnum með CP. Þátttakendur komu frá Svíþjóð, Noregi, Íslandi, Danmörku og Finnlandi auk Skotlands, en þar hefur  CP eftirfylgni náð blússandi starti  (CPIPS, Cerebral Palsy Integrated Pathway Scotland). Sem dæmi um eftirtektarverðan árangur af CP eftirfylgninni má nefna að í Svíþjóð hefur tekist að fækka einstaklingum með mjaðmaliðhlaup úr 10% niður í 0.4 %.

Boðið var upp á marga áhugaverða fyrirlestra  m.a. um greiningu göngu hjá börnum með CP, eigindlega rannsókn um það hver sé reynsla ungra fullorðinna af lífi með CP,  og fyrirlestur talmeinafræðings um EDACS sem er matstæki þar sem horft er til færni einstaklingsins til að matast  og drekka.

CPUP eða „Kerfisbundin skoðun og eftirfylgni með börnum og ungmennum með CP“ hefur farið fram í tvo áratugi í Svíþjóð með góðum árangri og hefur einnig verið tekin upp sem gæðagangnagrunnur í Noregi, Danmörku, í nokkrum ríkjum Ástralíu og nú síðast í Skotlandi. Fylgst er með fullorðnum með CP á þennan hátt í Svíþjóð og verið að byrja í Noregi. Á Íslandi var CPEF tekið upp hjá Æfingastöðinni árið 2012 og hjá Endurhæfingu –þekkingarsetri á árinu 2014. Á árinu 2015 voru þátttakendur alls 120 þar af 71 barn og 49 fullorðnir. Flestir þátttakendur eru búsettir á höfuðborgarsvæðinu, en báðar stofnanirnar hafa sinnt þátttakendum á landsbyggðinni.

Með CPEF skoðun getur fagfólk fylgst með þróun einkenna hjá hverjum einstaklingi og komið auga á varúðarmerki. Þetta er undirstaða þess að hægt sé að veita viðeigandi meðferð hverju sinni.

Tekist hefur að sporna gegn  alvarlegum afleiddum skerðingum af frumskerðingunni eins og liðhlaup í mjaðmaliðum og alvarlegum kreppumyndunum í útlimaliðum. Fyrir utan þau áhrif sem slíkt hefur á lífsgæði einstaklingsins,  leiða þessar afleiddu skerðingar oft til sértækra og umfangsmikilla úrræða og jafnvel skurðaðgerða sem eru bæði tímafrekar og kostnaðarsamar.

Hér er hægt að finna ársskýrslu CPEF á Íslandi fyrir árið 2015 eða hér til vinsti á síðunni undir fræðastarf, greinar.